NALEDI

Ke naledi moila seetsa,

Ke naledi seedi la ditshaba…

Ga bo yona godimo marung

Ga bo yona fao go fihlago 

dinonyane tsa boramahlale fela…

Leswiswi la re go aparela lefase,

Ya taga go feta taemane…

Ya kganya thabeng tsa sione,

Ya eta pele barongoa go yo 

bona lesea Jerusalema…

Tse botse di reelwa ka yona,

Dinoinoi tsa lefase, 

diphidi le tseo di hwilego…

Ya masa re e bone pele ga mahube a banna,

Ya ja ke mahlasedi a letsatsi,

Ya ba gona ge e ile le musi wa dikwekwele…

Ke naledi sereto sa bo kgaetsedi,

Ke mogwera wa ngwedi 

thaka ya bo mapimpana…

Ka mebala dia fapana,

Tsa kopantsha dihlogo ra bona 

nke dia swana…

Ke naledi ya maruberube, 

rubela ko tlase,

Koshana yela ya mohlamonene….

Ke lebonentsetsema,

Segadima boshego bana ba robetsi…

Leshata ga e nalo,

Sa yona ke go benyabenya…

Ra e bona e wela fase,

Ra nyaka re se hwetse le ka mohlala…

Ke bothakga bja yo godimo ramaatla’ohle,

Yena mohlodi warena le tsohle…

Ma afrika a re tageng 

go swana nayo naledi,

A re ikgantsheng ka naga ya bo rena…

Re shitwa ke eng go gadima 

boka seetsa sa lefase?

Kera yona naledi sebonala  ka leswiswing…..

KE TSHABA BADITI
 

© copyrights 2013